Hartstog en Storms

Jessica vergesel haar broer teensinnig na sy vriend se avontuurkamp. As stadsnooi hou sy daarvan om te alle tye skoon en netjies te wees. Boonop was sy as tiener smoorverlief op Karel, maar vir hom was sy altyd Jessiekind, sy beste vriend se jonger suster. Die gebied word geteister deur storms, die rivier kom af en die eiland word afgesny van die buitewêreld. Afgesien van die gevaar wat die stygende rivier inhou, word hulle ook geteister deur 'n wildedier wat hulle aanval. Jessie hou vol dat sy 'n wolf gehoor huil het, maar Karel verseker haar dat dit 'n luiperd moet wees wat deur die storms uit sy skuiling gedryf is. Intussen vlam haar liefde vir Karel weereens op, maar sal hy haar ooit anders sien as Colin se kleinsus?